నారాయణగూడ సదర్ వేడుకలకు ప్రజలు హాజరుకావాలని కిషన్ రెడ్డి పిలుపు

నారాయణగూడలో ఈ నెల 10న సాయంత్రం జరిగే సదర్ వేడుకలకు ప్రజలు పెద్ద సంఖ్యలో హాజరుకావాలని కేంద్ర మంత్రి కిషన్ రెడ్డి పిలుపునిచ్చారు.

దీపావళి తర్వాత సదర్ వేడుకలు జరపడం నిజాం కాలం నుంచి ఆనవాయితీగా వస్తోందని ఆయన చెప్పారు. యాదవ సమాజం పోతులను అలంకరించి నిర్వహించే ఈ పండుగ దేశంలో మరెక్కడా లేదని, ఇది హైదరాబాద్‌కే పరిమితమని కిషన్ రెడ్డి తెలిపారు.

తాను గత 30 సంవత్సరాలుగా సదర్ వేడుకల్లో పాల్గొంటున్నానని ఆయన వివరించారు. యాదవ సామాజిక వర్గానికి చెందిన వేలాది మంది దీపావళి రాగానే సదర్‌లో పాల్గొనేందుకు ఎదురుచూస్తారని కిషన్ రెడ్డి చెప్పారు.

కేరళ నుంచి తీసుకొచ్చిన బాహుబలి అని పిలిచే పోతు కూడా ఈ కార్యక్రమంలో పాల్గొంటుంది. పోతులను అలంకరించి కుటుంబ సభ్యులు, బంధుమిత్రులు, బస్తీ పెద్దలతో కలిసి ఆడుతూ పాడుతూ పాల్గొంటారు. ఈ కార్యక్రమం ఈ నెల 10న సాయంత్రం నారాయణగూడలో జరుగుతుంది.