బీర్తి జలపాతం: ఉత్తరాఖండ్‌లో 400 అడుగుల ఎత్తు నుంచి జారిపడే అతి పెద్ద జలపాతం

ఉత్తరాఖండ్‌లోని పితోరాఘర్ జిల్లాలో బీర్తి జలపాతం ఉంది. ఇది దాదాపు 400 అడుగుల ఎత్తు నుంచి జారిపడుతుంది. ఉత్తరాఖండ్ జలపాతాల్లో ఇదే అతి పెద్దదని చెబుతారు.

ఎత్తైన హిమాలయ శిఖరాలపై మంచు కరిగి, ఆ నీరు లోయల్లోకి ప్రవహించి ఈ జలపాతం ఏర్పడుతుంది. కుమావూన్ పర్వత శ్రేణుల్లో ఈ జలపాతం ఉంది. మున్సియారి పట్టణానికి దగ్గరలోని తేజం గ్రామానికి 14 కిలోమీటర్ల దూరంలో ఇది కనిపిస్తుంది. సముద్ర మట్టానికి 1800 మీటర్ల ఎత్తులో ఉంది. ఇక్కడ నీటి ప్రవాహం పెద్దగా ఉంటుంది.

ఉత్తరాఖండ్‌లో వందలాది జలపాతాలు ఉన్నాయి. వాటిలో తప్పక చూడాల్సిన జలపాతంగా బీర్తీని పేర్కొంటారు. పితోరాఘర్ జిల్లా తూర్పున నేపాల్‌తో, ఉత్తరాన చైనాతో అంతర్జాతీయ సరిహద్దును పంచుకుంటుంది.

జలపాతం దగ్గరలో బస కోసం ప్రైవేట్, ప్రభుత్వ రిసార్ట్స్ ఉన్నాయి. జూలై నుంచి అక్టోబర్ మధ్య ఇక్కడికి వెళ్లడం ఉత్తమం.