ప్రపంచ కుబేరుల టాప్ 10 నుంచి ఎన్విడియా CEO జెన్సన్ హువాంగ్ ఔట్

ప్రపంచ కుబేరుల జాబితాలో టాప్ 10 నుంచి ఎన్విడియా CEO జెన్సన్ హువాంగ్ బయటకు వెళ్లిపోయారు. ఆయన ప్రస్తుతం 12వ స్థానంలో ఉన్నారు. నవంబర్ 10న విడుదలైన Bloomberg Billionaires Index తాజా గణాంకాల్లో ఈ వివరాలు వెల్లడయ్యాయి.

ఆయన సంపద ప్రస్తుతం 148 బిలియన్ డాలర్లకు పడిపోయింది. ఒక్క రోజే 6.47 బిలియన్ డాలర్లు అంటే 4.2% తగ్గింది. ఆయన సంపదలో ఎక్కువ భాగం ఎన్విడియా షేర్లదే. కంపెనీలో ఆయనకు 3.5% నుంచి 5% పైగా వాటా ఉంది.

అమెరికా సమయం ప్రకారం సోమవారం నవంబర్ ట్రేడింగ్ మొదలైన 30 నిమిషాల్లోనే ఆయన నికర ఆస్తి 7.44 బిలియన్ డాలర్లు అంటే సుమారు ₹70,000 కోట్లు తగ్గి 154.7 బిలియన్ డాలర్లకు చేరింది. మరో రోజు వ్యవధిలో అది 154.7 బిలియన్ డాలర్ల నుంచి 148 బిలియన్ డాలర్లకు పడిపోయింది.

గత ఏడాది కాలంలో ఆయన సంపద 15 బిలియన్ డాలర్లు అంటే 9.2% తగ్గింది. ఎన్విడియా షేర్లలో వచ్చిన అమ్మకాల ఒత్తిడి వల్ల ఈ పతనం నమోదైంది.