వరి సాగు: నారుమడి నుంచి ప్రధాన పొలం వరకు మేలైన యాజమాన్య పద్ధతులు

తెలుగు రాష్ట్రాల్లో వరి నారు పోసే పనులు ముమ్మరంగా సాగుతున్నాయి. చాలా మంది రైతులు నారు మళ్ళు పెంచి నాట్లు వేస్తున్నారు. కొందరు నేరుగా విత్తనం వెదజల్లుతున్నారు.

పొలాస ప్రాంతీయ వ్యవసాయ పరిశోధన స్థానం శాస్త్రవేత్త డాక్టర్ లక్ష్మీ ప్రసన్న రైతులకు కొన్ని ముఖ్యమైన సూచనలు చేశారు.

నారుమడిలో కాండం తొలిచే పురుగు, ఉల్లికోడు నివారణకు కార్బోఫ్యూరాన్ 3G గులికలను రెండు గుంటల నారుమడికి 800 గ్రాములు వేయాలని ఆయన తెలిపారు. ఈ పద్ధతి వల్ల నాట్లు వేసిన తర్వాత 15 నుంచి 20 రోజుల వరకు రక్షణ లభిస్తుంది.

నారు మడి వేయని రైతులు వెదజల్లే పద్ధతి, డ్రమ్ సీడర్ లేదా యంత్రాల ద్వారా 15-20 రోజుల నారును నాటవచ్చని సూచించారు.

ఎరువుల యాజమాన్యంలో భాగంగా బాస్వరం ఎరువులను చివరి దుక్కిలో 50 కిలోలు, యూరియా 15 కిలోలు, మ్యూరేట్ ఆఫ్ పొటాష్ 14 కిలోలు వేయాలి. నత్రజని ఎరువులను మూడు దఫాలుగా (నాటిన 15-20 రోజులకు 30-35 కిలోలు, పిలక దశలో, అంకురం ఏర్పడే దశలో) వేయాలి. అధిక వర్షాల్లో యూరియా మోతాదు మించరాదు.

అగ్గి తెగులు నివారణకు ట్రైసైక్లోజల్, మంకోజెప్ మిశ్రమాన్ని లీటరు నీటికి 2.5 గ్రాములు కలిపి పిచికారి చేయాలని డాక్టర్ లక్ష్మీ ప్రసన్న వివరించారు.

సమగ్రమైన చీడపీడలు, ఎరువుల యాజమాన్యంతో ఈ వర్షాకాలంలో కూడా అధిక దిగుబడి సాధించవచ్చని ఆయన వివరించారు.