పాట్నాలో డాల్డా గోడౌన్‌లో భారీ అగ్నిప్రమాదం; 21 ఫైర్ ఇంజన్లు రంగప్రవేశం

బీహార్ రాజధాని పాట్నాలోని మహోలీ ప్రాంతంలో ఉన్న డాల్డా గోడౌన్‌లో అర్ధరాత్రి భారీ అగ్నిప్రమాదం జరిగింది. 12 గంటల సమయంలో మంటలు చెలరేగాయి.

గోడౌన్‌లో ఉన్న సిబ్బంది వెంటనే పోలీసులకు, అగ్నిమాపక శాఖకు సమాచారం ఇచ్చారు. దీంతో 21 ఫైర్ ఇంజన్లు సంఘటన స్థలానికి చేరుకుని మంటలను ఆర్పేందుకు ప్రయత్నిస్తున్నాయి. కానీ ఇప్పటివరకు మంటలు పూర్తిగా అదుపులోకి రాలేదు.

డాల్డా గోడౌన్ పెద్ద విస్తీర్ణంలో ఉండడంతో మంటలు వేగంగా వ్యాపించాయి. షార్ట్ సర్క్యూట్ వల్లే ప్రమాదం జరిగినట్లు సమాచారం. ఈ ఘటనలో కోట్ల రూపాయల విలువైన సరుకులు కాలిపోయినట్లు తెలుస్తోంది.

సమీపంలోని ఇతర గోడౌన్లకు మంటలు వ్యాపించకుండా చర్యలు తీసుకుంటున్నారు. మంటల నియంత్రణకు అగ్నిమాపక సిబ్బంది శ్రమిస్తున్నారు.