ఏపీ డిప్యూటీ సీఎం పవన్ కళ్యాణ్‌కు భుజం సర్జరీ సిఫారసు; ప్రభుత్వ కార్యక్రమాల అనంతరం చేయించుకుంటారు

ఏపీ డిప్యూటీ సీఎం పవన్ కళ్యాణ్ ముంబైలోని కోకిలాబెన్ ధీరుభాయ్ అంబానీ ఆసుపత్రిలో వైద్య పరీక్షలు చేయించుకున్నారు.

వైద్యులు ఆయన రెండు భుజాలను క్షుణ్ణంగా పరీక్షించగా, రొటేటర్ కఫ్‌తో పాటు చేతి కండరాలు రెండు తీవ్రంగా గాయపడినట్లు గుర్తించారు. గాయం తీవ్రత దృష్ట్యా వెంటనే శస్త్రచికిత్స చేయించుకోవడం ఉత్తమమని వైద్యులు సిఫారసు చేశారు.

అయితే, ముందుగా నిర్ణయించిన ప్రభుత్వ కార్యక్రమాలు, పరిపాలన బాధ్యతలను పూర్తి చేయడం తన కర్తవ్యమని పవన్ కళ్యాణ్ భావించారు. ఈ కార్యక్రమాలన్నీ ముగిసిన తర్వాతే శస్త్రచికిత్స కోసం తిరిగి ఆసుపత్రికి వస్తానని తెలిపారు. ఆయన భార్య అన్నా లెజనాతో కలిసి ముంబై వెళ్లినట్లు సమాచారం.