గోవింద నామాల పారడీపై పవన్ కల్యాణ్ ఆగ్రహం

నెల్లూరులో YSRCP నాయకులు మెగా DSC అక్రమాలంటూ నిరసన దీక్ష చేపట్టారు. ఈ సందర్భంగా కూటమి పాలనను విమర్శిస్తూ గోవింద నామాలను పారడీ చేశారు. కూటమి పాలన గోవింద అంటూ ఆలపించడం వివాదానికి దారితీసింది.

దీనిపై ఉప ముఖ్యమంత్రి పవన్ కల్యాణ్ తీవ్ర ఆగ్రహం వ్యక్తం చేశారు. రాజకీయాల కోసం పవిత్రమైన భక్తి గీతాలను, దైవ నామాలను వాడుకోవడం సిగ్గుచేటని అన్నారు. భక్తుల మనోభావాలను దెబ్బతీసేలా YSRCP నేతలు వ్యవహరించారని, మత విద్వేషాలు రెచ్చగొట్టే ప్రయత్నం చేసిన వారిపై చట్టప్రకారం చర్యలు ఉంటాయని హెచ్చరించారు.

YSRCP రాష్ట్రవ్యాప్తంగా మెగా DSC అక్రమాలపై ఆందోళనలు చేపడుతోంది. నెల్లూరులో మాత్రం నిరసనలో గోవింద నామాలను పారడీ చేయడంతో ప్రభుత్వం నుంచి తీవ్ర వ్యతిరేకత వ్యక్తమైంది. ఈ విషయంపై YSRCP స్పందన తెలియాల్సి ఉంది.