పవన్ కళ్యాణ్ ఆరోగ్యం కోసం యాదగిరిగుట్టకు జనసేన కార్యకర్తల పాదయాత్ర

జనసేన అధ్యక్షుడు, ఆంధ్రప్రదేశ్ ఉప ముఖ్యమంత్రి పవన్ కళ్యాణ్ ఆరోగ్యం కోసం తెలంగాణలోని యాదాద్రి భువనగిరి జిల్లాలో పాదయాత్ర నిర్వహించారు. తుర్కపల్లి మండలం తిరుమలాపురం గ్రామం నుంచి యాదగిరి గుట్ట శ్రీ లక్ష్మీ నరసింహ స్వామి ఆలయం వరకు జనసేన కార్యకర్తలు, అభిమానులు ఈ యాత్ర చేపట్టారు.

స్థానిక నాయకుడు సంతోష్ కుమార్ నేతృత్వంలో జరిగిన ఈ కార్యక్రమంలో పెద్ద సంఖ్యలో శ్రేణులు పాల్గొన్నాయి. ఆలయంలో పవన్ కళ్యాణ్ పేరుతో ప్రత్యేక పూజలు చేసి, ఆయనకు ఆయురారోగ్యాలు ప్రసాదించాలని ప్రార్థించారు. పవన్ కళ్యాణ్ త్వరగా కోలుకోవడంతో తాము మొక్కు చెల్లించేందుకు ఈ పాదయాత్ర చేసినట్లు ఒక అభిమాని తెలిపారు.