డిప్యూటీ సీఎం పవన్ కళ్యాణ్ కాకినాడలో నేరుగా ప్రజా వినతుల స్వీకరణ

ఏపీ డిప్యూటీ సీఎం పవన్ కళ్యాణ్ ఈ రోజు కాకినాడలో ప్రజల నుంచి నేరుగా వినతులు స్వీకరించనున్నారు. ‘మాట మంతి’ పేరుతో జరిగే ఈ కార్యక్రమం సాయంత్రం 5:30 నుంచి 7:30 వరకు కొనసాగుతుంది.

ఎమ్మెల్సీ పిడుగు హరిప్రసాద్ ఈ వివరాలు తెలిపారు. జనసేన పార్టీ కార్యాలయంలో వారంలో ఐదు రోజులు ‘జనవాణి’ కార్యక్రమం నిర్వహిస్తామని, కానీ డిప్యూటీ సీఎం నేరుగా ఒక జిల్లాలో ప్రజలతో మాట్లాడే కార్యక్రమం ఇదే తొలిసారని ఆయన చెప్పారు.

ఈ సందర్భంగా ప్రభుత్వానికి సంబంధించిన ఏ రకమైన సమస్యనైనా పవన్‌కు నేరుగా తెలియజేయవచ్చని హరిప్రసాద్ తెలిపారు. స్వీకరించిన వినతులను సంబంధిత శాఖల ద్వారా సత్వరమే పరిష్కరించేందుకు కృషి చేస్తామన్నారు.

ఈ కార్యక్రమం పూర్తిగా ప్రజా సమస్యలపైనే దృష్టి పెడుతుందని, పార్టీ కార్యకర్తల సమీక్ష ఉండదని హరిప్రసాద్ స్పష్టం చేశారు. అవసరమైనప్పుడల్లా ఇతర జిల్లాల్లోనూ ఇలాంటి కార్యక్రమాలు నిర్వహిస్తామన్నారు.