పవన్ కళ్యాణ్ ఆరోగ్యం కోసం జనసేన నాయకులు ద్వారకా తిరుమలలో ప్రత్యేక పూజలు

ఏపీ డిప్యూటీ సీఎం పవన్ కళ్యాణ్ కుడి భుజం శస్త్ర చికిత్స ముంబైలో విజయవంతంగా పూర్తయింది. ఆయన ఆరోగ్యం కోసం జనసేన నాయకులు ఏలూరు జిల్లా ద్వారకా తిరుమల మండలంలోని I.S. జగన్నాథపురం శ్రీ లక్ష్మీ నరసింహ స్వామి ఆలయంలో ప్రత్యేక పూజలు నిర్వహించారు.

గోపాలపురం నియోజకవర్గ జనసేన నాయకురాలు పాతిమా ఫాతిమా రాణి, మండల అధ్యక్షుడు మూర్తి తదితరులు ఆలయంలో అభిషేకం, ప్రదక్షణలు చేశారు. పవన్ కళ్యాణ్ ఇష్టదైవంగా భావించే ఈ ఆలయం ద్వారా ఆయన త్వరగా కోలుకోవాలని ప్రార్థించారు.

ఈ ఆలయాన్ని గతంలో పవన్ కళ్యాణ్ సందర్శించి, రోడ్ల నిర్మాణం, భూమి కేటాయింపు వంటి అభివృద్ధి పనులు చేపట్టారని నాయకులు గుర్తుచేశారు.

డాక్టర్లు సర్జరీ విజయవంతమైందని తెలిపారు. పవన్ కళ్యాణ్ మరో భుజానికి కూడా శస్త్ర చికిత్స చేయాలని వైద్యులు సూచించినట్లు నాయకులు తెలిపారు.