పవన్ కళ్యాణ్ కి రొటేటర్ కఫ్ గాయం: సర్జరీ అవసరమని ముంబై వైద్యులు

జనసేన పార్టీ అధ్యక్షుడు, ఆంధ్రప్రదేశ్ ఉప ముఖ్యమంత్రి పవన్ కళ్యాణ్ రెండు భుజాల నొప్పితో ముంబైలోని కోకిలాబెన్ ఆసుపత్రికి వెళ్లారు. వైద్యులు ఆయనను పరీక్షించి, భుజాలు కదలడంలో కీలకమైన రొటేటర్ కఫ్ గాయపడినట్లు నిర్ధారించారు.

ఈ గాయం రెండు భుజాల్లోనూ తీవ్రంగా ఉందని, మందులు లేదా ఫిజియోథెరపీతో తగ్గే అవకాశం లేదని వైద్యులు స్పష్టం చేశారు. సర్జరీ ఒక్కటే పరిష్కారం అని, సర్జరీ తర్వాత కొంత కాలం విశ్రాంతి తీసుకోవాలని సూచించారు.

భుజాల గాయానికి కారణం ఎన్నికల ప్రచారం, వరాహి యాత్ర సమయంలో అభిమానులు చేతులు పట్టుకొని బలంగా లాగడమేనని పవన్ ఇటీవల ఒక పార్టీ సమావేశంలో వెల్లడించారు. ఆనాడే ఆయన తన నొప్పి గురించి బహిరంగంగా మాట్లాడారు.

ప్రస్తుతం అమరావతిలో ప్రభుత్వ అధికారిక కార్యక్రమాలు ఉన్నందున వెంటనే సర్జరీ చేయించుకోవడం లేదు. కార్యక్రమాలు పూర్తయిన తర్వాత మళ్లీ ముంబై వచ్చి సర్జరీ చేయించుకుంటానని పవన్ కళ్యాణ్ వైద్యులతో చెప్పినట్టు సమాచారం.