పెద్ది చిత్రం — ఆర్ట్ డైరెక్టర్ అవినాష్ కొల్లా మాటల్లో

పెద్ది చిత్రానికి ఆర్ట్ డైరెక్టర్‌గా పని చేసిన అవినాష్ కొల్లా తొలిసారి కథ విన్నప్పటి అనుభవం గురించి మాట్లాడారు. సుమారు మూడున్నర సంవత్సరాల క్రితం ఒక హోటల్‌లో నెరేషన్ విన్నట్లు ఆయన తెలిపారు. అప్పట్లో Game Changer చిత్రానికి కూడా పని చేస్తున్నట్లు చెప్పారు.

సుమారు మూడు నుండి మూడున్నర గంటలపాటు విపులంగా నెరేషన్ జరిగింది. కథ వినగానే తాను చాలాసేపు మాట్లాడలేకపోయానని అవినాష్ కొల్లా తెలిపారు. ఆ కథ తనను భావోద్వేగానికి గురిచేసిందని, దాదాపు 20-25 నిమిషాల పాటు ఆలోచనలో మునిగిపోయానని చెప్పారు.

ఈ చిత్రానికి మంచి visual world సృష్టించవచ్చని నిర్ణయించుకున్నానని అవినాష్ తెలిపారు. pre-production కోసం దాదాపు 14 నెలలు కష్టపడ్డామని, costume design తోపాటు అన్ని విభాగాల్లో కఠినంగా శ్రమించారని ఆయన వివరించారు.