స్పోర్ట్స్ కోటాలో టెట్ లేకుండా టీచర్ ఉద్యోగాలు: పేర్ని నాని ఆరోపణలను ఖండించిన SAP MD భరణి

YSRCP నేత, మాజీ మంత్రి పేర్ని నాని స్పోర్ట్స్ కోటాలో టెట్ రాయకుండా టీచర్ ఉద్యోగాలు ఇచ్చారని ఆరోపించారు. డిగ్రీ లేకుండా కూడా నియామకాలు జరిగాయని అన్నారు.

ఈ ఆరోపణలపై SAP MD భరణి స్పందించారు. ఈ వాదన పూర్తిగా అవాస్తవమని స్పష్టం చేశారు. డీఎస్సీ దరఖాస్తు సమయంలోనే అభ్యర్థుల టెట్ స్కోరు ఆన్‌లైన్‌లో కనిపిస్తుందన్నారు. టెట్ క్లియర్ చేయని వారికి ఉద్యోగం సాధ్యం కాదన్నారు.

స్క్రూటినీ కమిటీ విద్యార్హతలు, టెట్ క్లియరెన్స్ రెండింటినీ ధ్రువీకరించిందని తెలిపారు. స్పోర్ట్స్ సర్టిఫికెట్లను మొదటి విడతగా స్క్రూటినీ చేసి, ఆపై సంబంధిత అసోసియేషన్లు, ఫెడరేషన్లు, యూనివర్సిటీల ద్వారా భౌతిక ధ్రువీకరణ చేశామన్నారు. సర్టిఫికెట్ జెన్యూనిటీ కూడా పరిశీలించామని వివరించారు.

ఏప్రిల్ 19న ఒక జీవో విడుదల చేసి, పాత జీవో 74ని రద్దు చేసి, జీవో 47 అమలు చేస్తున్నామని SAP MD భరణి పేర్కొన్నారు. స్పోర్ట్స్ కోటా నిబంధనలు స్పష్టం చేశారు.