ప్రధాని మోదీకి సెషెల్స్ అత్యున్నత ‘గార్డియన్ ఆఫ్ ది బ్లూ హారిజన్’ అవార్డు

ప్రధాని నరేంద్ర మోదీకి సెషెల్స్ దేశ అత్యున్నత పురస్కారం ‘గార్డియన్ ఆఫ్ ది బ్లూ హారిజన్’ లభించింది. సెషెల్స్ అధ్యక్షుడు పాట్రిక్ హెర్మినీ స్వయంగా ఈ అవార్డును ప్రదానం చేశారు. ఇది మోదీకి లభించిన 34వ అంతర్జాతీయ అవార్డు.

పర్యావరణ పరిరక్షణ, పచ్చదనం పెంపొందించడం, సుస్థిర అభివృద్ధిలో ప్రపంచ దేశాలకు మార్గదర్శనం చేసినందుకు ఈ అవార్డు ఇచ్చినట్లు సెషెల్స్ ప్రభుత్వం తెలిపింది. ఈ అవార్డు భారత్-సెషెల్స్ మధ్య వ్యూహాత్మక ద్వైపాక్షిక సంబంధాలను మరింత బలోపేతం చేస్తుందని కూడా అది పేర్కొంది.

తనకు ఈ అవార్డు లభించినందుకు గౌరవంగా ఉందని ప్రధాని మోదీ ‘X’ వేదికగా తెలిపారు. వాతావరణ మార్పుల సవాళ్లను ఎదుర్కొంటున్న ప్రపంచ దేశాలకు, పర్యావరణాన్ని భవిష్యత్ తరాల బాధ్యతగా భావించే వారికి ఈ అవార్డును అంకితం చేస్తున్నట్లు ఆయన ప్రకటించారు.

ప్రధాని మోదీ ప్రస్తుతం సెషెల్స్ పర్యటనలో ఉన్నారు. 1976లో స్వాతంత్రం పొందిన ఆ దేశ స్వర్ణోత్సవ వేడుకల్లో ఆయన పాల్గొన్నారు. అంతకుముందు స్టేట్ హౌస్‌లో ఆయనకు గౌరవ వందనం సమర్పించారు.