హైదరాబాద్లో హైటెక్ గంజాయి స్మగ్లింగ్ నెట్వర్క్ ఛేదించిన పోలీసులు
హైదరాబాద్లో అంతర్రాష్ట్ర గంజాయి రవాణా నెట్వర్క్ను పోలీసులు ఛేదించారు. శంషాబాద్ టాస్క్ ఫోర్స్, ఆదిబట్ల పోలీసులు సంయుక్తంగా దాడి చేసి నలుగురు పెడ్లర్లను అరెస్ట్ చేశారు. వారి నుంచి 110 కిలోల గంజాయి, రెండు లగ్జరీ వాహనాలు, నాలుగు మొబైల్ ఫోన్లను స్వాధీనం చేసుకున్నారు. సీజ్ చేసిన గంజాయి విలువ సుమారు రూ.56 లక్షలు.
స్మగ్లర్లు హైటెక్ పద్ధతులు ఉపయోగించారు. గంజాయి తరలింపుకు టాటా హారియర్, మారుతి ఎర్టిగా వంటి వాహనాలు వాడారు. పోలీసుల నిఘా తప్పించుకోడానికి ఒక వాహనాన్ని పైలట్గా పెట్టి చెక్పోస్టుల సమాచారం వెనుక వాహనానికి పంపించేవారు. టోల్ ప్లాజాల్లో అనుమానం రాకుండా మహారాష్ట్ర నకిలీ నెంబర్ ప్లేట్లు అమర్చారు. సెల్యులర్ నెట్వర్క్ కాకుండా ఇంటర్నెట్ కాలింగ్ యాప్ల ద్వారా మాత్రమే కమ్యూనికేట్ చేశారు.
గంజాయి ఒడిస్సాలోని బెర్హంపూర్ ప్రాంతంలో సరఫరాదారు ప్రవీద్ర ప్రధాన్ నుంచి కొనుగోలు చేసినట్లు విచారణలో తేలింది. అక్కడ తక్కువ ధరకు సేకరించిన గంజాయిని హైదరాబాద్ మీదుగా మహారాష్ట్రకు తరలించి, కిలో రూ.20,000 నుంచి రూ.30,000 వరకు విక్రయించేవారు. ఈ మొత్తం నెట్వర్క్ వెనుక ప్రధాన సూత్రధారి ప్రణవ్ సింగ్ పరారీలో ఉన్నాడు.
ప్రణవ్ సింగ్ కోసం పోలీసులు గాలింపు ముమ్మరం చేశారు. హైదరాబాద్లో మరెవరికైనా సరఫరా చేస్తున్నారా అనే కోణంలో దర్యాప్తు కొనసాగుతోంది.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
