పోలీస్ కంప్లైంట్ సినిమా జూన్ 12న విడుదల

"పోలీస్ కంప్లైంట్" సినిమా టీజర్, పాటను విడుదల చేస్తూ చిత్రబృందం మే 31న హైదరాబాద్‌లో ప్రెస్‌మీట్ నిర్వహించింది. సినిమా జూన్ 12న కర్ణాటక, తెలుగు రాష్ట్రాలతో పాటు ప్రపంచవ్యాప్తంగా థియేటర్లలో విడుదల కానుందని ప్రకటించారు.

దర్శకుడు సంజీవ్ మోగోటి రూపొందించిన ఈ చిత్రంలో వరలక్ష్మి శరత్ కుమార్ హీరోయిన్‌గా నటిస్తున్నారు. నవీన్ చంద్ర, కృష్ణసాయి, బేబీ తనూశ్వి, ప్రీతి సుందర్, కృతి వర్మ తదితరులు ఇతర ముఖ్య పాత్రల్లో కనిపిస్తారు. ఎం.ఎస్.కె. బ్రహ్మదేశ్రీ ఫిలింస్ పతాకంపై నిర్మాత బాలకృష్ణ ఈ చిత్రాన్ని నిర్మించారు. సంజీవ్ మోగోటి స్వయంగా కథ, సంగీతం కూడా అందించారు.

ఈ సినిమాలో యాక్షన్, రొమాన్స్, హారర్ అంశాలతో పాటు తల్లీబిడ్డల సెంటిమెంట్ ఉంటుందని చిత్రబృందం తెలిపింది. ఇది పోలీస్ కంప్లైంట్ నేపథ్యంలో సాగే కామెడీ థ్రిల్లర్ అని వివరించారు.

కార్యక్రమానికి తెలంగాణ రాష్ట్ర స్పెషల్ డీఐజీ వీవీ రమణారెడ్డి ముఖ్య అతిథిగా హాజరయ్యారు. సినీ పంపిణీదారులు, సినీ ప్రముఖులు పాల్గొన్నారు.