ఎలనినో ప్రభావంతో ఆరుతడి పంటలు వేయాలని రైతులకు మంత్రి పొన్నం విజ్ఞప్తి

సిద్దిపేట జిల్లా కోహేడా మండలం కూరేళ్ళలో ఏరువాక పౌర్ణమి కార్యక్రమంలో మంత్రి పొన్నం ప్రభాకర్ పాల్గొన్నారు.

ఈ సందర్భంగా మంత్రి స్వయంగా నాగలి దున్ని విత్తనాలు చల్లారు. ఏరువాక పౌర్ణమిని వ్యవసాయ ప్రారంభ దినంగా పేర్కొన్నారు.

రైతులను ఉద్దేశించి మంత్రి మాట్లాడుతూ, ఈ ఏడాది ఎలనినో ప్రభావం ఉన్నందున ఆరుతడి పంటలు వేసుకోవాలని కోరారు. దీనివల్ల అధిక దిగుబడి సాధించి ఆర్థికంగా లాభపడవచ్చునని వివరించారు.

వర్షాలు సమృద్ధిగా కురిసి పంటలు బాగా పండాలని, రైతులు ఆయురారోగ్యాలతో ఉండాలని ప్రార్థించారు. రైతులకు ప్రభుత్వం పూర్తిగా అండగా ఉంటుందని భరోసా ఇచ్చారు.