'ఆపరేషన్ దురేదర్' ను మామూలు సినిమా అన్న డిస్ట్రిబ్యూటర్‌కు బదులిచ్చిన పోసాని

పోసాని మురళీ కృష్ణ తన సినిమా 'ఆపరేషన్ దురేదర్' విడుదలకు ముందు ఓ డిస్ట్రిబ్యూటర్ ఇచ్చిన స్పందనను గుర్తు చేసుకున్నారు. ఆ డిస్ట్రిబ్యూటర్ "ఇది మామూలు సినిమా, పోసాని పైత్యం అంతా ఉంది" అని చెప్పి వెళ్లిపోయాడని, అప్పుడు నిర్మాత ఈ విషయాన్ని తనకు తెలిపాడని చెప్పారు.

ఈ సినిమా ఫస్ట్ కాపీ కోసం రూ.1.25 కోట్లు ఖర్చు అయ్యిందని, కానీ డిస్ట్రిబ్యూటర్ నుంచి సానుకూల స్పందన రాకపోవడంతో నిర్మాత తానే విడుదల చేసుకోవాలని నిర్ణయించుకున్నాడని పోసాని వివరించారు. ఫలితంగా సినిమా 100 రోజులు ఆడి సూపర్ హిట్ అయ్యిందన్నారు.

ఈ సందర్భంగా సినీ విజయాపజయాలు సహజమని, దిగ్గజ నిర్మాతలు దాసరి రామానాయుడు, రామోజీరావు సైతం ఫ్లాపులు చవిచూశారని గుర్తు చేశారు. "ప్రజలు నచ్చినప్పుడే సినిమా విజయం సాధిస్తుంది. నచ్చకపోతే వారిని తిట్టకూడదు. ఏదో పొరపాటు వల్ల మనం మంచి కథ రాసినా ప్రజలు ఆదరించకపోవచ్చు" అని పోసాని వ్యాఖ్యానించారు.