దుర్గం చెరువు వద్ద మట్టి కుండల వర్క్‌షాప్: మానసిక ఒత్తిడి నుంచి ఉపశమనం

హైదరాబాద్‌లోని దుర్గం చెరువు సమీపంలో పాటలి సర్కిల్ అనే సంస్థ మట్టి కుండలు, బొమ్మలు తయారు చేయడం నేర్పిస్తోంది. ఈ వర్క్‌షాప్ పాల్గొనేవారిలో మానసిక ఒత్తిడి తగ్గుతోందని నిర్వాహకులు తెలిపారు.

ప్రతి బ్యాచ్‌లో 40 మందికి మాత్రమే అవకాశం ఉంటుంది. ఉదయం 9 నుంచి మధ్యాహ్నం 3 గంటల వరకు మూడు స్లాట్లు నిర్వహిస్తారు. ఒక్కొక్కరికి రూ.950 ఫీజు వసూలు చేస్తున్నారు.

పాల్గొనేవారు మట్టితో కప్పులు, సాసర్లు, గ్లాసులు, బొమ్మలు, పడవలు వంటివి తయారు చేసుకుంటూ ఆనందిస్తున్నారు. పిల్లల నుంచి పెద్దల వరకు అందరూ ఫోన్‌లకు దూరంగా సృజనాత్మకంగా గడపడానికి ఈ కార్యక్రమం మంచి అవకాశంగా మారిందని నిర్వాహకులు చెబుతున్నారు.

చెరువు అందాల నడుమ, ప్రశాంతమైన సంగీతం నేపథ్యంలో ఈ వర్క్‌షాప్ అనుభవం రిఫ్రెషింగ్‌గా ఉంటుందని పాల్గొన్నవారు తెలిపారు.