ప్రభాస్ 'స్పిరిట్'లో ప్రత్యేక పాట? తృప్తి దిమ్రితో పాటు మరో బాలీవుడ్ నటి అని ప్రచారం

నటుడు ప్రభాస్, దర్శకుడు సందీప్ రెడ్డి వంగ కలయికలో రూపొందుతున్న 'స్పిరిట్' సినిమా తదుపరి షెడ్యూల్లో ఒక ప్రత్యేక పాట చిత్రీకరణ జరుగుతుందని సమాచారం. ఈ పాటలో బాలీవుడ్ నటి తృప్తి దిమ్రితో పాటు మరో ప్రముఖ నటి ప్రభాస్‌తో కలిసి నృత్యం చేయనున్నారని సోషల్ మీడియాలో చర్చ జరుగుతోంది. అయితే ఈ విషయంపై ఎలాంటి అధికారిక ప్రకటన రాలేదు.

అర్జున్ రెడ్డి, యానిమల్ సినిమాల్లో సందీప్ రెడ్డి వంగ ప్రధాన హీరోయిన్ కాకుండా మరో ముఖ్యమైన మహిళా పాత్రను కథలో భాగం చేశారు. ఇప్పుడు స్పిరిట్‌లో కూడా అదే తరహాలోనో లేక కేవలం గ్లామర్ కోసమే ప్రత్యేక పాటను ప్లాన్ చేస్తున్నారా అన్న చర్చా జరుగుతోంది. సంగీత దర్శకుడు హర్షవర్ధన్ రామేశ్వర్ మ్యూజిక్ సెట్టింగ్‌లు పూర్తి చేసినట్లు తెలుస్తోంది. పాట చిత్రీకరణ త్వరలో ప్రారంభం కానుంది.