ధర్మస్థల కుట్ర కేసు పిటిషన్లో ప్రకాష్ రాజ్ పేరు ప్రస్తావన.. స్పందించిన నటుడు

కర్ణాటకలోని ధర్మస్థల ఆలయంపై కుట్ర జరిగిందని ఆరోపిస్తూ హైకోర్టులో దాఖలైన రిట్ పిటిషన్లో నటుడు ప్రకాష్ రాజ్ పేరు ప్రస్తావనకు వచ్చింది. మండియా జిల్లా చిక్కబళ్లి గ్రామానికి చెందిన చిన్నయ్య అలియాస్ చిన్నా అనే వ్యక్తి ఈ కుట్రకు సూత్రధారిగా వ్యవహరించినట్లు ఆరోపణలు ఉన్నాయి. "కుట్రదారులతో ప్రకాష్ రాజ్ మళ్లీ వచ్చి కలుస్తానని చెప్పారు" అని పిటిషనర్ తన పిటిషన్లో పేర్కొన్నారు.

ఈ వివాదంపై నటుడు ప్రకాష్ రాజ్ సామాజిక మాధ్యమాల్లో స్పందించారు. "ధర్మస్థల వివాదంలో నా పేరు ప్రస్తావనకు రావడం జరిగింది. ఇది కోట్లాది మంది భక్తుల నమ్మకానికి సంబంధించిన సున్నితమైన అంశం. ఈ విషయంలో అనుమానాలకు వివరణ ఇవ్వాల్సిన బాధ్యత నాపై ఉంది. ప్రస్తుతం నేను దూరంగా ఉన్నాను, రెండు రోజుల్లో వచ్చి స్వయంగా మీడియాకు వివరిస్తాను" అని ఆయన రాసుకున్నారు.

ఇదిలా ఉండగా, బీజేపీ నేత విష్ణువర్ధన్ రెడ్డి ప్రకాష్ రాజ్పై ఆరోపణలు చేశారు. ధర్మస్థల కుట్రలో ప్రకాష్ రాజ్ పాత్ర ఉందని, విచారణలో కుట్రదారులు ఆయన పేరు ప్రస్తావించారని విష్ణువర్ధన్ రెడ్డి ట్వీట్ చేశారు. "130 కోట్ల మంది హిందువుల విశ్వాసాలను ఎందుకు దెబ్బతీస్తున్నారు? హిందువులంటే ఎందుకు ద్వేషం?" అని ఆయన ప్రశ్నించారు.