పెళ్లికి ముందు సంబంధాల్లో సాక్ష్యాలు భద్రపరచాలని న్యాయ నిపుణులు సూచన

పెళ్లికి ముందు ప్రేమ లేదా వ్యక్తిగత సంబంధాల్లో ఉన్నవారు కొన్ని కీలక సాక్ష్యాలను భద్రపరచుకోవాలని న్యాయ నిపుణులు వివరించారు. చాట్లు, ఈమెయిల్స్, ఫోన్ నంబర్లు, ఎలాంటి లావాదేవీలు జరిగినా వాటి వివరాలు, హోటల్ రూమ్ విజిట్ల వంటి రికార్డులను సేవ్ చేసుకోవాలని సూచించారు. ఇలా చేయడం వల్ల భవిష్యత్తులో ఎదుర్కొనే చట్టపరమైన వివాదాల్లో ఇవి సాక్ష్యంగా పనిచేస్తాయి. సరైన రుజువులు ఉంటే క్రిమినల్, సివిల్ కేసులతోపాటు ఇంజంక్షన్ ఆదేశాలు కూడా పొందవచ్చని న్యాయ నిపుణులు తెలిపారు.

సాక్ష్యాలు లేకపోతే సోషల్ మీడియాలో అనవసర ఆరోపణలు, వ్యక్తిగత ఫోటోలు లేదా వీడియోలు లీక్ చేస్తామని బెదిరించడం వంటివి ఎదుర్కొనాల్సి వస్తుందని హెచ్చరించారు. హోటల్ రూమ్లలో దాచి ఉంచిన కెమెరాల పట్ల జాగ్రత్తగా ఉండాలని, ఇంట్లో లేదా బయటి ప్రదేశాల్లో సమ్మతి లేని ఫోటోలు, వీడియోలు తీయకూడదని న్యాయ నిపుణులు సూచించారు.

వివాదం వచ్చినప్పుడు చర్చించి, కాంప్రమైజ్ అయి సమస్యను ముగించడం మంచిదని, జీవితాన్ని నాశనం చేసుకోవద్దని సలహా ఇచ్చారు. కొత్తగా అమలులోకి వచ్చిన భారతీయ న్యాయ సంహిత (BNS) లో సంబంధాల మోసానికి సంబంధించిన నిబంధనలు ఉన్నాయని, వాటిని ఉపయోగించి న్యాయం పొందవచ్చని వివరించారు.