తెలంగాణలో పల్స్ పోలియో కార్యక్రమం ప్రారంభం; హైదరాబాద్‌లో 5 లక్షల మంది చిన్నారులకు చుక్కలు

రాష్ట్రవ్యాప్తంగా నేటి నుంచి పల్స్ పోలియో కార్యక్రమం ప్రారంభమైంది. హైదరాబాద్ నగరంలో సుమారు 5 లక్షల మందికి పైగా చిన్నారులకు పోలియో చుక్కలు వేస్తారు.

ఈ కార్యక్రమం మూడు రోజుల పాటు కొనసాగుతుందని అధికారులు తెలిపారు. ఆదివారం రాలేని వారి కోసం సోమ, మంగళవారాల్లో కూడా బూత్‌లు అందుబాటులో ఉంటాయి. హైదరాబాద్‌లోని రైల్వే, బస్‌ స్టేషన్లలో రాత్రి పూట కూడా పోలియో చుక్కలు వేస్తారు.

నగరంలో 2800 పోలియో బూత్‌లను ఏర్పాటు చేశారు. ప్రతి బూత్‌లో ANM, ASHA కార్యకర్త, సూపర్వైజర్‌తో పాటు ముగ్గురు నలుగురు సిబ్బంది ఉంటారు. ఉదయం 7 గంటల నుంచి సాయంత్రం 6 గంటల వరకు ఈ బూత్‌లు పనిచేస్తాయి.

GHMC పరిధిలో మిస్ అయిన పిల్లల కోసం రెండో, మూడో, నాలుగో రోజు కూడా ఇంటింటికీ వెళ్లి పోలియో చుక్కలు వేస్తారు. పోలియో నివారణకు ప్రతి ఒక్కరూ టీకా వేయించాలని అధికారులు విజ్ఞప్తి చేశారు.