పుణే రియల్టర్ హత్య: కుట్ర పూర్తి వివరాలు పోలీసులు వెల్లడి, నిందితుల కస్టడీ జులై 3 వరకు పొడిగింపు

పుణే రియల్టర్ కేతన్ అగర్వాల్ హత్య వెనుక ఉన్న కుట్రను పోలీసులు పూర్తిగా బయటపెట్టారు. ఈ కేసులో నిందితులు సియా గోయల్, చేతన్ చౌదరీల పోలీస్ కస్టడీని కోర్టు జులై 3 వరకు పొడిగించింది.

పోలీసుల విచారణలో తేలిన వివరాల ప్రకారం, సియా కేతన్ నుండి పెళ్లి షాపింగ్ పేరుతో రూ.1 కోటి సేకరించింది. ఈ డబ్బును ఆమె తన ప్రియుడు చేతన్ కు ఇచ్చింది. ఆ మొత్తంతో సెటిల్ అయ్యాక మూడేళ్ల తర్వాత ఇద్దరు పెళ్లి చేసుకోవాలనే పథకం వేసుకున్నారు.

మే నెల చివరిలోనే హత్యకు ప్లాన్ ప్రారంభమైంది. జూన్ 14న తొలి ప్రయత్నం విఫలమైంది. జూన్ 18న వారు కేతన్ ను లోహగడ్డ కోట కొండ అంచుకు తీసుకువెళ్లారు. సియా కింద కూర్చొని నీళ్లు తాగడం లేదా షూ కట్టుకోవడం చేస్తే అది సిగ్నల్‌గా నిర్ణయించుకున్నారు. ఇలా చేస్తే కేతన్ కింద పడినప్పుడు సియాను పట్టుకోడని, పోలీసుల అనుమానం తగ్గుతుందని భావించారు.

పోలీసుల నిఘా నుంచి తప్పించుకోవడానికి చేతన్ తన కారుకు బదులు 90 కిలోమీటర్ల దూరం స్కూటర్‌పై ప్రయాణించాడు. టోల్‌ప్లాజాలో కారు నంబర్ రికార్డు కాకుండా ఉండేందుకు ఈ నిర్ణయం తీసుకున్నారు. హత్యకు కేవలం 34 నిమిషాల ముందు సియా చేతన్ కు చివరి కాల్ చేసి ప్లాన్ అమలు చేసింది.

ప్రస్తుతం నిందితులు కస్టడీలో ఉన్నారు. పూణే పోలీసులు ఈ కేసులో మరింత లోతైన విచారణ కొనసాగిస్తున్నారు.