పూరీ జగన్నాథ నబకలేబరలో బంగారు గొడ్డలితో వేప చెట్టు నరికే ఆచారం

పూరీ జగన్నాథ ఆలయంలో నబకలేబర ఉత్సవం సందర్భంగా కొత్త విగ్రహాల తయారీకి వేప చెట్టును బంగారు, వెండి, ఇనప గొడ్డళ్ళతో నరికే సంప్రదాయం పాటిస్తారు. అధిక ఆషాడ మాసం వచ్చినప్పుడు నిర్వహించే ఈ ఆచారంలో ప్రత్యేకమైన వేప చెట్టును ఎంపిక చేస్తారు.

చెట్టు నరికే ముందు హోమం నిర్వహిస్తారు. తర్వాత బంగారు గొడ్డలితో మొదటి దెబ్బ వేస్తారు. ఆపై వెండి గొడ్డలి, ఇనప గొడ్డలి ఉపయోగించి చెట్టును పడగొడతారు. విగ్రహాల కోసం అవసరమైన భాగం కోసి మిగిలిన చెట్టు భాగాన్ని భూమిలో పూడ్చివేస్తారు. అదే స్థలంలో మరొక వేప మొక్క నాటుతారు.

చెక్కి కావలసిన దుంగను బండిలో ఎక్కించి పూరీకి తీసుకువెళతారు. బండి వెళ్ళే ప్రతి గ్రామం ముగ్గులు వేసి, చీరలు పరిచి, మంగళ హారతులతో స్వాగతం పలుకుతారు. ఈ దుంగలోనే భగవంతుడు ఉన్నాడని భక్తులు విశ్వసిస్తారు.

పూరీలో ప్రత్యేక శిల్పులు ఈ దుంగ నుంచి విగ్రహాలను చెక్కుతారు. జగన్నాథుడి కోసం ఉపయోగించిన కలప నల్లగా ఉంటుంది. సుదర్శనుడికి సంబంధించింది ఎర్రగా, సుభద్రకు పచ్చగా, బలరాముడికి తెల్లగా ఉంటుంది.

పాత విగ్రహాలను ఇంతవరకు ఉంచిన గద్దెలోనే కొత్త విగ్రహాలను కూడా ఉంచుతారు. అధిక ఆషాడ మాసంలో అప్పటివరకు పూజలందుకున్న మూర్తుల స్థానంలో ఈ కొత్త మూర్తులు ప్రతిష్ఠించబడతాయి. ఈ పవిత్ర ప్రక్రియ నబకలేబరగా ప్రసిద్ధి.