డీకే శివకుమార్ వ్యాఖ్యలపై టీటీడీ సభ్యుడు తీవ్ర అభ్యంతరం

తిరుమల తిరుపతి దేవస్థానం (టీటీడీ) పాలక మండలి సభ్యుడు భాను ప్రకాష్ రెడ్డి కర్ణాటక ముఖ్యమంత్రి డీకే శివకుమార్ వ్యాఖ్యలపై తీవ్ర అభ్యంతరం వ్యక్తం చేశారు.

తిరుమలలో నిత్య హారతుల్లో మంత్రులు, ఎమ్మెల్యేలు, అధికారులు పాల్గొనే అవకాశం కల్పిస్తానని డీకే శివకుమార్ ఇటీవల చేసిన వ్యాఖ్యలే ఈ వివాదానికి మూలం.

ఈ సందర్భంగా భాను ప్రకాష్ రెడ్డి మాట్లాడుతూ, తిరుమల సాంప్రదాయాలపై అవగాహన లేకుండా డీకే వ్యాఖ్యలు చేశారని పేర్కొన్నారు. రాజకీయ నాయకులను, కార్యకర్తలను మెప్పించేందుకు ఇలాంటి ప్రకటనలు చేయడం సరికాదన్నారు.

తిరుమలలో హారతి సంప్రదాయం మైసూర్ మహారాజుకు ఇచ్చిన గౌరవ సూచకంగా ఉందని, ఇది రాజకీయ నాయకుల కోసం కాదని ఆయన వివరించారు. డీకే శివకుమార్ వెంటనే తన వ్యాఖ్యలు వెనక్కి తీసుకోవాలని డిమాండ్ చేశారు.

ఈ విషయాన్ని త్వరలో జరగనున్న టీటీడీ ధర్మకర్త మండలి సమావేశంలో చర్చిస్తానని కూడా ఆయన తెలిపారు. ఇలాంటి సాంప్రదాయాలను తిరుమల తిరుపతి దేవస్థానాలు ఒప్పుకోవని స్పష్టం చేశారు.