పుట్టపర్తిలో AMCA ఫైటర్ జెట్ ప్రాజెక్ట్ శంకుస్థాపన: ₹15,803 కోట్లు, 7,500 ఉద్యోగాలు

పుట్టపర్తిలో Advanced Medium Combat Aircraft (AMCA) ప్రాజెక్ట్ శంకుస్థాపన నిర్వహించారు. ₹15,803 కోట్ల విలువైన ఈ ప్రాజెక్ట్ 650 ఎకరాల్లో నిర్మితం అవుతుంది.

ఈ ప్రాజెక్ట్ ద్వారా 7,500 మందికి ఉద్యోగాలు వస్తాయని అంచనా. భవిష్యత్తులో ₹1 లక్ష కోటి పెట్టుబడులు రావొచ్చని అధికారులు పేర్కొన్నారు. స్వదేశీ సాంకేతికతతో యుద్ధ విమానాలు తయారు చేయడం ఈ ప్రాజెక్ట్ ముఖ్య లక్ష్యం.

ప్రాజెక్ట్ ప్రారంభంతో పాటు టౌన్‌షిప్ కూడా వస్తుందని ప్రకటించారు. ఈ ప్రాజెక్ట్ భవిష్యత్తులో Aerospace City కి దారి తీస్తుందని CM చంద్రబాబు నాయుడు పేర్కొన్నారు.

శ్రీహరికోట నుంచి అంతరిక్ష రంగంలో, నాగాయలంక నుంచి క్షిపణి రంగంలో, విశాఖ నుంచి నౌకాదళ రంగంలో ఆంధ్రప్రదేశ్ పాత్ర పోషిస్తోందని చంద్రబాబు చెప్పారు. ఇప్పుడు పుట్టపర్తి వైమానిక రక్షణ రంగంలో కూడా చేరుతుందని ఆయన తెలిపారు.

ఓర్వకళ్లలో దేశంలో తొలిసారిగా Drone City ఏర్పాటు చేసినట్లు కూడా ఈ కార్యక్రమంలో ప్రస్తావించారు.