హైదరాబాద్ వేదికపై నటుడు రాహుల్ బోస్ సీఎం రేవంత్ రెడ్డి పేరు మర్చిపోయి ‘చిరంజీవి’ అని పిలిచారు

హైదరాబాద్‌లోని గచ్చిబౌలి స్టేడియంలో జరిగిన బహుమతుల ప్రధానోత్సవంలో సినీ నటుడు రాహుల్ బోస్ సీఎం రేవంత్ రెడ్డి పేరు మర్చిపోతూ ఆయనను ‘చిరంజీవి సార్’ అని పిలిచారు. వేదికపై మాట్లాడుతూ ‘హానరబుల్ చీఫ్ మినిస్టర్..’ అని చెప్పిన ఆయన కొద్దిసేపు ఆగి ‘చిరంజీవి సార్’ అంటూ సంబోధించారు. ఈ వీడియో సోషల్ మీడియాలో వైరల్ అయింది.

సీఎం రేవంత్ రెడ్డి పేరు మర్చిపోయే ఘటనలు ఇది మొదటిసారి కాదు. గతంలో నటుడు, యాంకర్ బాలా ఆదిత్య ఓ కార్యక్రమంలో సీఎంను ‘కిరణ్ కుమార్ రెడ్డి’ అని పిలిచారు. మరో లేడీ యాంకర్ స్టేజ్‌పై ‘చీఫ్ మినిస్టర్ శ్రీధర్ బాబు’ అని సంబోధించారు. పుష్ప సినిమా సక్సెస్ మీట్‌లో నటుడు అల్లు అర్జున్ కూడా సీఎం పేరు మర్చిపోయి కొద్దిసేపు తడబడ్డారు. ఈ తరహా ఘటనలు చర్చనీయాంశంగా మారాయి.