రజినీకాంత్ 'నరసింహ' సీక్వెల్ రద్దు; పట్టాలెక్కని 'నీలాంబరి'

నటుడు రజినీకాంత్ నటించిన 'నరసింహ' చిత్రానికి సీక్వెల్ తీయాలన్న ప్రతిపాదనను ఆయన విరమించుకున్నట్లు కోలీవుడ్ వర్గాల సమాచారం. 25 ఏళ్ల క్రితం విడుదలైన ఈ చిత్రం రజినీకాంత్ కెరీర్‌లో ప్రత్యేక గుర్తింపు పొందింది. ఈ నేపథ్యంలో గతేడాది 'నీలాంబరి' అనే టైటిల్‌తో సీక్వెల్ అనౌన్స్ చేశారు.

అయితే రెండో భాగానికి సిద్ధమైన కథ రజినీకాంత్‌ను సంతృప్తి పరచలేదని, దాంతో సీక్వెల్ ఆలోచనను పక్కనపెట్టినట్లు సమాచారం. ఇటీవల తమిళనాడులో నరసింహ రీ-రిలీజ్ ₹18 కోట్లకు పైగా వసూలు చేసింది. ఈ స్పందనతో సీక్వెల్ పై ప్రేక్షకుల్లో భారీ అంచనాలు ఉన్నాయి.

ఈ విషయంపై రజినీకాంత్ దర్శకుడు కె.ఎస్. రవికుమార్‌తో మాట్లాడుతూ, రెండో భాగం కథ అద్భుతంగా కుదిరినప్పుడే 'నరసింహ 2' చేద్దామని చెప్పినట్లు వర్గాలు తెలిపాయి. ప్రస్తుతం రజినీకాంత్ 'జైలర్ 2' వంటి ఇతర ప్రాజెక్టుల్లో బిజీగా ఉన్నారు.