రాజ్నాథ్ సింగ్ అధ్యక్షతన ఎన్డీఏ మంత్రుల సమావేశం, వర్షాకాల సెషన్ వ్యూహంపై చర్చ

కేంద్ర రక్షణ మంత్రి రాజ్నాథ్ సింగ్ అధ్యక్షతన ఎన్డీఏ గ్రూప్ ఆఫ్ మినిస్టర్స్ సమావేశం జరిగింది. పార్లమెంట్ వర్షాకాల సమావేశాలు సోమవారం నుంచి ప్రారంభం కానున్న నేపథ్యంలో ఈ సమావేశం నిర్వహించారు.

ఈ సమావేశానికి ఎన్డీఏ ఫ్లోర్ లీడర్లు, కేంద్ర మంత్రులు హాజరయ్యారు. వర్షాకాల సెషన్‌లో ప్రవేశపెట్టే బిల్లులు, వాటి ఆమోదానికి అనుసరించాల్సిన వ్యూహంపై చర్చించారు. ప్రతిపక్షం నుంచి ఎదురయ్యే సవాళ్లను ఎలా ఎదుర్కోవాలనే అంశంపై కూడా సమాలోచనలు జరిపారు.

ఎన్డీఏ భాగస్వామి పక్షాల మధ్య సమన్వయం పెంచడం, బిల్లుల విషయంలో అందరి మద్దతు కూడగట్టడంపై దృష్టి పెట్టారు. సెషన్ ప్రారంభానికి ముందు ఆదివారం అఖిల పక్ష సమావేశం నిర్వహించనున్నారు.