పెద్దపల్లి జిల్లాలో వర్షాలతో రాముని గుండాల జలపాతం ఉప్పొంగి ప్రవహిస్తోంది

పెద్దపల్లి జిల్లా రామగుండం పారిశ్రామిక ప్రాంతంలోని రాముని గుండాల జలపాతం ఇటీవలి వర్షాలకు ఉప్పొంగి ప్రవహిస్తోంది. చుట్టూ పచ్చని చెట్లతో ఈ జలపాతం పర్యాటకులను ఆకర్షిస్తోంది.

ఉదయం నుంచి వేలాది మంది ఇక్కడికి వచ్చి ప్రకృతి అందాలను తిలకిస్తున్నారు. స్థానికుల నమ్మకం ప్రకారం, శ్రీరాముడు వనవాస సమయంలో ఈ ప్రాంతంలో సంచరించాడని చెబుతారు.

ఈ ప్రాంతాన్ని పర్యాటక కేంద్రంగా అభివృద్ధి చేయాలని స్థానికులు కోరుతున్నారు. ప్రస్తుతం జలపాతం సందర్శకులతో సందడిగా మారింది.