గండికోటలో విజయ్ దేవరకొండ, రష్మికల 'రణబాలి' చిత్రీకరణ ప్రారంభం

కడప జిల్లా జమ్మలమడుగు మండలంలోని గండికోట కోట ప్రాంగణంలో 'రణబాలి' సినిమా చిత్రీకరణ మొదలైంది. విజయ్ దేవరకొండ హీరోగా, రష్మిక మందన్న హీరోయిన్‌గా నటిస్తున్నారు. రాహుల్ సంకృత్యాన్ దర్శకత్వం వహిస్తున్న ఈ చిత్రాన్ని మైత్రి మూవీ మేకర్స్ నిర్మిస్తోంది. టీ సిరీస్ సమర్పణలో పాన్ ఇండియా చిత్రంగా తెరకెక్కుతోంది.

రాయలసీమ చారిత్రక నేపథ్యంలో రూపుదిద్దుకుంటున్న ఈ సినిమాలో విజయ్ దేవరకొండ గుర్రపు స్వారీ చేస్తూ కోట ముఖద్వారం వద్దకు వచ్చే సన్నివేశాన్ని చిత్రీకరించారు. రానున్న రోజుల్లో మరిన్ని కీలక సన్నివేశాలను కూడా గండికోటలోనే చిత్రీకరించనున్నట్లు చిత్ర బృందం తెలిపింది.