ఎండిన తులసి మొక్కను ఎవరు తొలగించాలి? ఆచరించాల్సిన నియమాలు ఏమిటి?

ఇంట్లో తులసి మొక్క ఎండిపోతే ఎలా తొలగించాలన్న సందేహం చాలా మందికి ఉంటుంది. ఈ విషయంపై ఓ భక్తి కార్యక్రమంలో వేదాంతులు కొన్ని ధార్మిక సూచనలు తెలిపారు.

తులసి మొక్కను సాక్షాత్తు లక్ష్మీదేవి స్వరూపంగా భావిస్తారు. కాబట్టి దాన్ని తొలగించడంలో పురాణాలు కొన్ని నియమాలు పేర్కొన్నాయి. స్త్రీలు ఎండిపోయిన తులసి మొక్కను తీసేయకూడదని, పురుషులు మాత్రమే ఆ పని చేయాలని సూచించారు.

అలాగే, తొలగించే రోజు కూడా ముఖ్యమే. మంగళవారం, శుక్రవారం, అమావాస్య, అష్టమి, షష్టి వంటి నిషిద్ధ దినాల్లో ఈ పని చేయకూడదు. మిగిలిన రోజుల్లో, ముందుగా తులసి కోటలో కొత్త మొక్క నాటిన తర్వాతే పాత ఎండిన మొక్కను తీయాలి. తులసి కోట ఎప్పుడూ ఖాళీగా ఉంచకూడదని నొక్కి చెప్పారు.

ఈ నియమాలు పాటిస్తే గృహంలో ఐశ్వర్యం, పవిత్రత నిలుస్తాయని ధర్మ సందేహాల కార్యక్రమం ద్వారా వివరించారు.