హైదరాబాద్ ట్రాఫిక్ సిగ్నల్స్‌కు AI ఏకీకరణ ప్రతిపాదించిన సీఎం రేవంత్‌రెడ్డి

హైదరాబాద్ లో ట్రాఫిక్ సిగ్నల్స్ ను AI సాంకేతికతతో ఏకీకరించాలని సీఎం రేవంత్ రెడ్డి ప్రతిపాదించారు. ఈ ప్రతిపాదనకు సంబంధించి ఆయన అనలాగ్ వ్యవస్థాపకుడు, CEO అలెక్స్ కిప్‌మన్, మెగా ఇంజనీరింగ్ ఇన్ఫ్రాస్ట్రక్చర్ సంస్థ MD కృష్ణా రెడ్డి లతో సమావేశమయ్యారు.

MCR HRD భవనంలో జరిగిన ఈ భేటీలో ట్రాఫిక్ రద్దీ ఆధారంగా సిగ్నల్స్ పనిచేసేలా AI ని వినియోగించాలని సీఎం సూచించారు. వాతావరణ మార్పులకు అనుగుణంగా ట్రాఫిక్ నియంత్రణను మెరుగుపరచేలా AI ను అనుసంధానించాలని తెలిపారు.

అనలాగ్, మెగా సంస్థల సంయుక్త భాగస్వామ్యంతో హైదరాబాద్ లో ట్రాఫిక్ నియంత్రణ పైలట్ ప్రాజెక్ట్ అమలుపై చర్చించారు. సమావేశం అనంతరం ప్రభుత్వం అనలాగ్, MEIL సంస్థలతో అవగాహన ఒప్పందం (MoU) కుదుర్చుకుంది.

భవిష్యత్ తరాలకు అవసరమైన మౌలిక సదుపాయాల కోసం physical intelligence ఆధారిత పరిష్కారాలపై కూడా చర్చ జరిగింది. ఈ పైలట్ ప్రాజెక్ట్ త్వరలో అమలు చేసే అవకాశం ఉంది.