తెలంగాణ ప్రభుత్వ పాఠశాలలను కార్పొరేట్‌కు దీటుగా తీర్చిదిద్దుతాం: సీఎం రేవంత్ రెడ్డి

తెలంగాణ ప్రభుత్వం ప్రభుత్వ పాఠశాలలను కార్పొరేట్ విద్యాసంస్థలతో పోటీ పడేలా తీర్చిదిద్దే ప్రణాళికలు రూపొందిస్తున్నట్లు ముఖ్యమంత్రి రేవంత్ రెడ్డి తెలిపారు.

గత 20-30 ఏళ్లుగా ప్రభుత్వ పాఠశాలల్లో పేరుకుపోయిన సమస్యలు ఒకటి, రెండేళ్లలో పరిష్కారం కావని, అయితే సరైన ప్రణాళిక లేకపోతే ఈ సమస్యలు ఇంకా 100 సంవత్సరాలు కూడా పరిష్కరించబడవని ఆయన అన్నారు.

ఉపాధ్యాయుల సమస్యలను ముందుగా పరిష్కరించడం ద్వారా వారు పేద పిల్లలకు ప్రశాంతంగా చదువు చెప్పగలరని అభిప్రాయపడ్డారు. 16 సంవత్సరాలు ప్రమోషన్లు రాకపోవడం, 10 సంవత్సరాలు బదిలీలు ఆగిపోవడం వంటి సమస్యలను గుర్తుచేశారు. ఒకే ఉత్తర్వుతో 22 వేల మంది ఉపాధ్యాయులకు ప్రమోషన్లు, 35 వేల మందికి బదిలీలు జారీ చేశామని, GO 317 కింద కుటుంబాలు విడిపోయిన సమస్యలను కూడా పరిష్కరించామని వివరించారు.

ప్రభుత్వ పాఠశాలలను కార్పొరేట్ స్థాయికి తీసుకురావడమే లక్ష్యంగా కార్యాచరణ చేపట్టామని సీఎం స్పష్టం చేశారు.