విద్యాశాఖను తన వద్దే ఉంచుకోవడంపై సీఎం రేవంత్ రెడ్డి వివరణ

విద్యాశాఖను తన వద్దే ఉంచుకోవడంపై ముఖ్యమంత్రి రేవంత్ రెడ్డి వివరణ ఇచ్చారు. 'తెలంగాణ భవిష్యత్తు ప్రభుత్వ తరగతి గదుల్లోనే ఉంది' అని ఆయన అన్నారు.

తెలంగాణ రాష్ట్ర సాధనలో రాజకీయ నాయకుల కంటే విద్యార్థుల పాత్రే కీలకమని సీఎం గుర్తు చేశారు. ఉస్మానియా, కాకతీయ యూనివర్సిటీల విద్యార్థులు 'జయ జయ తెలంగాణ' నినాదంతో ఉద్యమించినప్పుడే కేంద్ర ప్రభుత్వం రాష్ట్రానికి చట్టబద్ధత కల్పించిందని ఆయన పేర్కొన్నారు.

'ఎవరైనా అసమర్థులు పరిపాలనలో ఉంటే తెలంగాణకు తీరని నష్టం జరుగుతుంది' అని సీఎం హెచ్చరించారు. ఓ కార్యక్రమంలో ప్రసంగించిన సందర్భంగా ఆయన ఈ వ్యాఖ్యలు చేశారు.