18 ఏళ్లకు ఓటు హక్కు రాజీవ్ గాంధీ వల్లే: సీఎం రేవంత్ రెడ్డి

తెలంగాణ ముఖ్యమంత్రి రేవంత్ రెడ్డి యువతకు 18 ఏళ్లకే ఓటు హక్కు కల్పించింది మాజీ ప్రధాని రాజీవ్ గాంధీనే అని పేర్కొన్నారు.

ఒక కార్యక్రమంలో మాట్లాడుతూ, 61వ రాజ్యాంగ సవరణ ద్వారా రాజీవ్ గాంధీ ప్రభుత్వం ఓటు హక్కు వయసును 21 నుంచి 18 ఏళ్లకు తగ్గించిందని వివరించారు. అంతర్జాతీయ పోకడలను గమనించే ఈ సంస్కరణ చేసినట్టు ఆయన తెలిపారు.

అదే విధంగా, మాజీ ప్రధాని పీవీ నరసింహారావు ప్రభుత్వం 73, 74 రాజ్యాంగ సవరణలతో స్థానిక సంస్థల్లో 21 ఏళ్లకే మేయర్లు, జిల్లా పరిషత్ చైర్మన్లుగా పోటీ చేసే అవకాశం కల్పించిందని రేవంత్ రెడ్డి చెప్పారు.

ఈ సవరణల ఫలితంగానే ఒకప్పుడు త్రివేండ్రంలో ఒక మహిళ (ఎస్సీ) 21 ఏళ్ల వయసులోనే మేయర్గా ఎన్నికైనట్టు ఉదాహరణ ఇచ్చారు. కాంగ్రెస్ ప్రభుత్వాల సంస్కరణల వల్లే యువతకు ఈ అవకాశాలు దక్కాయని ఆయన ఈ సందర్భంగా పునరుద్ఘాటించారు.