హైదరాబాద్ మెట్రో ఫేజ్-2 రుణం కోసం రేవంత్ రెడ్డి, కిషన్ రెడ్డిల ఢిల్లీ భేటీ

తెలంగాణ ముఖ్యమంత్రి రేవంత్ రెడ్డి, కేంద్ర మంత్రి కిషన్ రెడ్డి రైల్వే శాఖ మంత్రి అశ్విని వైష్ణవ్తో ఢిల్లీలో భేటీ అయ్యారు. హైదరాబాద్ మెట్రో ఫేజ్-2 ప్రాజెక్టుకు ఇండియన్ రైల్వే ఫైనాన్స్ కార్పొరేషన్ (IRFC) నుంచి రుణం విడుదల చేయాలని కోరారు. సుమారు రెండు గంటల పాటు చర్చలు జరిగాయి.

IRFC రుణం సకాలంలో విడుదల కాకపోవడానికి గల కారణాలను, రాష్ట్ర ప్రభుత్వం చేసిన ఒప్పందం వివరాలను రైల్వే మంత్రికి వివరించారు. చర్చలు సానుకూలంగా సాగాయని ముఖ్యమంత్రి రేవంత్ రెడ్డి తెలిపారు.

రేపు ఉదయం కేంద్ర పట్టణాభివృద్ధి శాఖ మంత్రి మనోహర్ లాల్ ఖట్టర్తో రేవంత్ రెడ్డి సమావేశం కానున్నారు. మెట్రో ఫేజ్-2కు సంబంధించిన అనుమతులపై ఈ భేటీలో చర్చిస్తారు. కేంద్ర మంత్రి కిషన్ రెడ్డి కూడా ఇందులో పాల్గొంటారు.

గత కొంతకాలంగా మెట్రో ఫేజ్-2 విషయంలో సీఎం రేవంత్ రెడ్డి, కేంద్ర మంత్రి కిషన్ రెడ్డి మధ్య ప్రజల ముందు విభేదాలు వ్యక్తమయ్యాయి. ఇప్పుడు ఇద్దరు కలిసి కేంద్ర మంత్రులను కలవడం రాజకీయ వర్గాల్లో ఆసక్తిని రేకెత్తించింది.