ఆదాయ సమీకరణపై సీఎం రేవంత్ రెడ్డి సమీక్ష, అధికారులకు కీలక ఆదేశాలు

ముఖ్యమంత్రి రేవంత్ రెడ్డి రాష్ట్ర ఆదాయ సమీకరణపై ఎంసీఆర్‌హెచ్ఆర్‌డీలో సమీక్ష సమావేశం నిర్వహించారు. ఈ సందర్భంగా ఆదాయం పెంపుపై దృష్టి పెట్టాలని అధికారులను ఆదేశించారు. బడ్జెట్ లక్ష్యాలు చేరుకోవడానికి ఆదాయ సమీకరణ అత్యవసరమని సూచించారు.

ఈ సమీక్షలో డిప్యూటీ సీఎం భట్టి విక్రమార్క, మంత్రులు ఉత్తమ్ కుమార్ రెడ్డి, జూపల్లి కృష్ణారావు, ప్రభుత్వ ప్రధాన కార్యదర్శి, ఇతర అధికారులు పాల్గొన్నారు. వాణిజ్య పన్నులు, ఎక్సైజ్, మైనింగ్ శాఖల్లో లీకేజీలు లేకుండా జాగ్రత్తలు తీసుకోవాలని ముఖ్యమంత్రి అన్నారు.

అన్ని శాఖల్లో ఏఐ టెక్నాలజీ వినియోగం పెంచాలని, డిపార్టుమెంట్ల సామర్థ్యం మెరుగుపరచాలని సూచించారు. ఊహాజనిత బడ్జెట్‌లకు బదులు వాస్తవిక అంశాల ఆధారంగా బడ్జెట్ రూపొందించాలని, ఆదాయం పెంపు, నిధుల సమీకరణపై నిర్లక్ష్యం వహించవద్దని హెచ్చరించారు.