వనపర్తిలో ఆర్టీసీ బస్సు బోల్తా; 10 మందికి గాయాలు

మంత్రాలయం నుంచి వనపర్తికి వెళ్తున్న ఆర్టీసీ బస్సు పెబ్బేరు సమీపంలో 44వ జాతీయ రహదారిపై బోల్తా పడింది. ప్రమాదంలో 10 మంది ప్రయాణికులకు గాయాలయ్యాయి.

ముందు వెళ్తున్న ద్విచక్ర వాహనాన్ని తప్పించే క్రమంలో డ్రైవర్ హఠాత్తుగా బ్రేక్ వేయడంతో బస్సు అదుపు తప్పింది. డివైడర్‌పై ఢీకొని బస్సు బోల్తా పడింది.

పోలీసులు ఘటనా స్థలానికి చేరుకుని గాయపడిన వారిని అంబులెన్స్, పోలీసు వాహనాల్లో జిల్లా ఆసుపత్రికి తరలించారు. వారికి చికిత్స అందిస్తున్నారు. ప్రమాదం కారణంగా ఏర్పడిన ట్రాఫిక్ రద్దీని పోలీసులు, రహదారి నిర్వహణ సంస్థ సిబ్బంది క్రమబద్ధీకరించారు.