సామూహిక పూజలు, పారాయణల్లో పాటించాల్సిన నియమాలు

సామూహికంగా పూజలు, పారాయణలు చేసేటప్పుడు కొన్ని నియమాలు పాటించడం వల్లనే సత్ఫలితాలు లభిస్తాయని ఆధ్యాత్మిక నిపుణులు సూచిస్తున్నారు.

సంకల్పం చెప్పే సమయంలో ‘నేను చేస్తున్నాను’ అనకుండా ‘మేము అందరం కలిసి చేస్తున్నాము’ అనే భావనతో చెప్పాలి. భాగస్వాములు తమ దేవతామూర్తులను తీసుకొచ్చి, కుంకుమార్చన చేసుకోవచ్చు.

పారాయణం చేసేటప్పుడు పుస్తకాన్ని దగ్గర ఉంచుకోవాలి. పొరపాట్లు లేకుండా అక్షరం చూసుకుంటూ చదవాలి. పెద్ద గొంతుతో అపశబ్దాలు పలకరాదు.

పూజ మధ్యలో కుటుంబ సమస్యలు, కొత్త చీరలు, నగలు వంటి విషయాలను మాట్లాడకూడదు. తీర్థ ప్రసాదాల దగ్గర ఎగబడకుండా ప్రశాంతంగా వేచి ఉండాలి.

ఈ నియమాలు పాటించకపోతే దుష్ఫలితాలు కూడా రావచ్చని పెద్దలు హెచ్చరిస్తున్నారు.