సంగారెడ్డి: ఇద్దరు ప్రిన్సిపాల్ వివాదంతో 200 మంది విద్యార్థుల ఆందోళన

సంగారెడ్డి జిల్లా ఆందోల్‌లోని కస్తూర్బా బాలికల విద్యాలయం (KGBV)లో ఇద్దరు ప్రిన్సిపాల్ల మధ్య వివాదం విద్యార్థుల ఆందోళనకు దారితీసింది. వట్పల్లి కేజీబీవీకి సొంత భవనం లేకపోవడంతో విద్యార్థులను తాత్కాలికంగా ఆందోల్ కేజీబీవీకి తరలించారు.

రెండు పాఠశాలల్లో కలిపి సుమారు 500 మంది విద్యార్థులు ఉన్నారు. వట్పల్లి విద్యార్థులకు గది సౌకర్యం లేక డైనింగ్ హాల్‌లో ఉంటున్నారు. మొదట్లో అంతా సజావుగా సాగినా, ఆ తర్వాత ఆందోల్, వట్పల్లి ప్రిన్సిపాల్ల మధ్య వ్యక్తిగత విభేదాలు మొదలయ్యాయి. వారి గొడవ విద్యార్థులపై ప్రభావం చూపింది.

ఆదివారం ఈ వివాదం తీవ్రమైంది. వట్పల్లి విద్యార్థులు తమను ఆందోల్ ప్రిన్సిపాల్ జ్యోతిక ఇంటికి పంపిస్తున్నారని, తక్కువగా చూస్తున్నారని ఆరోపించారు. వసతి సరిగా లేదని, భోజనం బాగోలేదని కూడా ఫిర్యాదు చేశారు.

దాదాపు 200 మంది విద్యార్థులు తల్లిదండ్రులతో కలిసి సంగారెడ్డి జోగిపీట ప్రధాన రహదారిపై ఆందోళన చేపట్టారు. ఉన్నతాధికారులు రంగంలోకి దిగి విద్యార్థులను తిరిగి విద్యాలయానికి చేర్చారు. ఇద్దరు ప్రిన్సిపాల్‌కు తీవ్ర హెచ్చరికలు జారీ చేశారు. ఈ ఘటనపై ప్రభుత్వం విచారణకు ఆదేశించింది.