సెక్షన్ 22A అంటే ఏమిటి? నిషేధిత జాబితాలో భూమి ఉంటే ఏం చేయాలి?

రిజిస్ట్రేషన్ చట్టం 1908 లోని సెక్షన్ 22A ప్రకారం కొన్ని భూములను నిషేధిత జాబితాలో చేర్చి వాటి రిజిస్ట్రేషన్‌ను నిలిపివేస్తారు. ప్రభుత్వ అసైన్డ్ భూములు, దేవాదాయ భూములు, ధర్మాదాయ భూములు, సాగునీటి భూములు ఈ జాబితాలో ఉంటాయి.

ఆంధ్రప్రదేశ్‌లో న్యాయ నిపుణుడు కోటిపల్లి అయ్యప్ప ఈ విషయంపై అవగాహన కల్పించారు. తమ భూమి 22A జాబితాలో ఉందో లేదో తెలుసుకోవాలంటే సర్వే నెంబర్ ఆధారంగా Encumbrance Certificate (EC) తీసుకోవాలని, రిజిస్ట్రేషన్ కార్యాలయంలో నేరుగా చెక్ చేయించుకోవాలని ఆయన తెలిపారు.

కొంతమంది మోసగాళ్ళు 22A జాబితాలో ఉన్న భూముల సర్వే నెంబర్లను మార్చి అమాయకులకు అమ్ముతున్నారు. ఇలాంటి సందర్భాల్లో నేరుగా పోలీసు కంప్లైంట్ ఇవ్వాలని, జిల్లా రిజిస్ట్రార్‌కు ఫిర్యాదు చేయాలని కోటిపల్లి అయ్యప్ప సూచించారు. పోలీసులు కేసు నమోదు చేయకపోతే SP లేదా DSP కార్యాలయాన్ని ఆశ్రయించవచ్చని తెలిపారు.

విజయవాడ వంటి పట్టణాల రిజిస్ట్రేషన్ కార్యాలయాల్లో 22A సమస్యలతో దాదాపు 480 మంది బాధితులు ఉన్నారని పేర్కొన్నారు. మీకు అన్ని documents సరిగ్గా ఉన్నా భూమి 22A జాబితాలో చేరిపోతే, MRO కార్యాలయాన్ని సంప్రదించి సర్వే report తీసుకోవాలని ఆయన వివరించారు.