సెన్సెక్స్ 1,718 పాయింట్ల లాభంతో 81,028 వద్ద ముగింపు; నిఫ్టీ 25,030 దగ్గర స్థిరం

దేశీయ స్టాక్ మార్కెట్లు భారీ లాభాలతో ముగిశాయి. సెన్సెక్స్ 1,718 పాయింట్లు పెరిగి 81,028 పాయింట్ల దగ్గర ముగిసింది. నిఫ్టీ 494 పాయింట్లు లాభపడి 25,030 పాయింట్ల వద్ద నిలిచింది.

నిఫ్టీ ఇంట్రాడేలో 25,000 మార్కును దాటింది. సెన్సెక్స్ ఉదయం 79,413 పాయింట్ల వద్ద స్వల్ప లాభాలతో ప్రారంభమైంది. తర్వాత కొద్దిసేపటికే భారీ లాభాల్లోకి వచ్చింది.

వరుసగా ఏడో సెషన్లోనూ మార్కెట్లు లాభాలతో ముగిశాయి. గత తొమ్మిది సెషన్లలో నిఫ్టీ మొత్తం 2,100 పాయింట్లు లాభపడింది.

అమెరికా మార్కెట్లు భారీగా నష్టపోయినా దేశీయ మార్కెట్లు లాభపడ్డాయి. దీనికి కారణమేమిటని మార్కెట్ వర్గాలు ఒక అంశాన్ని చెబుతున్నాయి. డేటా సెంటర్లపై డెమోక్రాట్లు కఠినంగా వ్యవహరిస్తారనే అంచనాతో అక్కడ AI స్టాక్స్ నష్టపోయాయి. ఈ పరిణామం ఇండియన్ టెక్ కంపెనీలకు లాభిస్తుందనే అంచనాలు నెలకొన్నాయి.