శీతలాష్టమి నాడు పిల్లల ఆరోగ్యం కోసం శీతలా దేవి మంత్రం

జ్యేష్ఠ మాసంలో బహుళ పక్షంలో వచ్చే అష్టమి తిధిని శీతలాష్టమి అని పిలుస్తారు. ఈ రోజు శీతలా దేవికి ప్రీతికరమైనదిగా భావిస్తారు. చిన్న పిల్లలను జ్వరాలతో పీడించే జ్వరాసురుడిని సంహరించేందుకు పార్వతీదేవి శీతలాదేవిగా అవతరించిందని దేవీ భాగవతంలో పేర్కొన్నారు.

దీర్ఘకాలిక జ్వరాలు, మసూచి వంటి అంటు వ్యాధులు రాకుండా ఉండేందుకు, పిల్లల ఆరోగ్యం కోసం శీతలా దేవిని పూజిస్తారు. ఈ రోజు ఇంటి యజమాని సాయంత్రం దీపం పెట్టిన తర్వాత “ఓం హ్రీం శ్రీం శీతలాదేవ్యై నమః” అనే మంత్రాన్ని 21 సార్లు జపించాలి.

శీతలాదేవి చేతిలో చీపురు, చేట, అమృత కలశం ధరించి, గార్ధభ వాహనంపై సంచరిస్తూ భక్తులను అనుగ్రహిస్తుంది. ఈ మంత్ర జపం వల్ల ఇంట్లో పిల్లలకు జ్వరాలు రావు, ఒకవేళ వచ్చినా త్వరగా తగ్గిపోతాయని విశ్వాసం. శీతలాష్టమి రోజు తప్పకుండా ఈ మంత్రాన్ని జపించమని భక్తి ఛానల్ ద్వారా తెలియజేశారు.