వాగీశ్వరుని క్షేత్రయాత్ర: జ్ఞానసంబంధుడితో కలిసి శివ క్షేత్రాలు దర్శించిన నాయనారు

నాయనార్లలో ఒకరైన వాగీశ్వరుడు తమిళనాడులోని అనేక శైవ క్షేత్రాలు సందర్శించారు. పెన్నాగడం, చిదంబరం, శీర్గాళి, తిరువారూర్ వంటి ప్రసిద్ధ ఆలయాలను దర్శించిన ఆయన అద్భుతమైన పదిగాలు రచించారు.

చిదంబరంలో స్వామిని చూడగానే ఇంత కాలం తన ఆయువు వృధా చేసుకున్నానని భావించి భోరున విలపించారు. అదే సమయంలో నటరాజస్వామిని ఎన్నో కీర్తనలతో స్తుతించారు. శీర్గాళిలో జ్ఞానసంబంధుడనే బాలయోగి ఆయనను 'అప్పర్' (తండ్రి) అని పిలిచి, స్నేహంగా చేరదీశారు. ఇద్దరూ కలిసి కావేరీ తీరంలోని పలు క్షేత్రాలు దర్శించారు.

తింగళూరు అనే గ్రామంలో వాగీశ్వరుడు ఒక భక్తుడి ఇంటికి వెళ్లారు. అక్కడి గృహస్తుడి కుమారుడు పాముకాటుకు గురై మరణించాడు. కానీ ఆ దంపతులు తమ పుత్ర మరణాన్ని దిగమింగి, స్వామికి భోజనం పెట్టేవరకు విషయం బయటపెట్టలేదు. విషయం తెలిసిన వాగీశ్వరుడు విభూది తీసుకుని పదిగం పాడుతూ బాలుడికి పెట్టగా, అతడు తిరిగి ప్రాణం పొందాడు.

తిరువారూర్ చేరుకున్న వాగీశ్వరుడు అన్యమతస్తులతో వాదనలు చేసి వాటిని ఖండించారు. అక్కడ త్యాగరాజేశ్వర స్వామిని దర్శించి సనాతన ధర్మం అనే అమృత ఫలాన్ని విడిచి దుర్మతాలనే విషపు కాయలతో సమానమని ఆవేదన వ్యక్తం చేశారు. ఆయన పదిగాలు నేటికీ తేవారం కీర్తనలుగా పూజల్లో చోటు చేసుకున్నాయి.