జర్నలిజంలో నమ్మకం ప్రమాదంలో పడింది: ANI చీఫ్ ఎడిటర్ స్మితా ప్రకాశ్

ANI చీఫ్ ఎడిటర్ స్మితా ప్రకాశ్ జర్నలిజం రంగంలో నమ్మకం అనేది ప్రమాదకరమైన వనరుగా మారిందని ఆందోళన వ్యక్తం చేశారు. ఒక కార్యక్రమంలో మాట్లాడుతూ, జర్నలిజం, ప్రజాస్వామ్యం రెండూ నమ్మకం మీదే నిర్మితమయ్యాయని, సాంకేతికత, రాజకీయ అధికారాలు కాదని ఆమె అన్నారు. ఆమె ప్రసంగంలో, సమాచార యుగంలో మనకు ఎప్పటికంటే ఎక్కువ సమాచారం అందుబాటులో ఉన్నప్పటికీ, ఏది చూసినా, చదివినా మనలో అనిశ్చితి పెరుగుతోందని వివరించారు. దీనికి ప్రధాన కారణం అల్గారిథమ్‌లేనని ఆమె చెప్పారు. ఆల్గారిథమ్‌లు మనం చదవాల్సినవి, చూడాల్సినవి నిర్ణయిస్తున్నాయని, మనకు ఆసక్తి లేని ఇంటర్వ్యూలు, రీళ్లు పదేపదే వస్తున్నాయని ఆమె విమర్శించారు. దీనివల్ల మీడియాపై నమ్మకం క్షీణిస్తోందని స్మితా ప్రకాశ్ అభిప్రాయపడ్డారు. ప్రపంచవ్యాప్తంగా వార్తా సంస్థలు ఆర్థిక ఇబ్బందులు ఎదుర్కొంటున్నాయని, వార్తాపత్రికలు కుంచించుకుపోతున్నాయని, ప్రకటనల ఆదాయం టెక్నాలజీ ప్లాట్‌ఫామ్‌లకు మళ్ళిందని ఆమె తెలిపారు. నమ్మకాన్ని తిరిగి ఎలా నిలబెట్టుకోవాలనేది ప్రస్తుతం మీడియా ఎదుర్కొంటున్న అతిపెద్ద సవాలని స్మితా ప్రకాశ్ స్పష్టం చేశారు.