విశాఖ పోర్టులో పోర్ట్ ప్రొమెనేడ్ ప్రారంభం.. ₹500 కోట్ల ప్రాజెక్టులను ప్రారంభించిన సోనోవాల్

విశాఖపట్నం పోర్టులో పోర్ట్ ప్రొమెనేడ్‌ను కేంద్ర పోర్ట్స్, షిప్పింగ్, వాటర్‌వేస్ శాఖ మంత్రి సర్బానంద సోనోవాల్ ప్రారంభించారు. ఈ సందర్భంగా ₹500 కోట్లకు పైగా విలువైన ప్రాజెక్టులను కూడా ఆయన ప్రారంభించారు.

విశాఖ పోర్టు దేశంలో అత్యంత వేగంగా ఎదుగుతున్న పోర్టుల్లో ఒకటని సోనోవాల్ తెలిపారు. ప్రతి సంవత్సరం ఈ పోర్టు కార్గో హ్యాండ్లింగ్‌లో 10 శాతం వృద్ధి నమోదు చేస్తోంది. కెపాసిటీ పెంపు పనులు కూడా కొనసాగుతున్నాయి.

ప్రస్తుతం ఉన్న 91 మిలియన్ మెట్రిక్ టన్నుల కెపాసిటీకి అదనంగా మరో 6 మిలియన్ మెట్రిక్ టన్నుల కార్గో హ్యాండ్లింగ్ చేయాలన్న లక్ష్యాన్ని నిర్దేశించుకున్నట్లు ఆయన చెప్పారు.

ఈ ప్రాజెక్టుల అమలుకు ముఖ్యమంత్రి చంద్రబాబు నాయుడు, ఆయన బృందం మద్దతు ఇచ్చినందుకు సోనోవాల్ కృతజ్ఞతలు తెలిపారు. పోర్టు నిర్వహణ, ఆపరేషన్స్‌లో రాష్ట్ర ప్రభుత్వం సహకారం అందిస్తోందని ఆయన పేర్కొన్నారు.