జులై 13న జ్యేష్ఠ అమావాస్య: కాటేదాన్ లో 1111 శివలింగాల అభిషేకం

జులై 13న కాటేదాన్ లోని అయ్యప్ప స్వామి దేవాలయంలో విశేష శివాభిషేకం నిర్వహించనున్నారు. బ్రహ్మశ్రీ అన్నవరపు తిరుపతి మూర్తి అవధాని గురువుగారి ఆధ్వర్యంలో ఈ కార్యక్రమం జరుగుతుంది.

ఉదయం 11 గంటలకు ప్రారంభమై అర్ధరాత్రి 12 గంటల వరకు అభిషేకం కొనసాగుతుంది. ఈ సందర్భంగా 1111 శివలింగాలకు రుద్ర మంత్రాలతో అభిషేకం చేస్తారు. భక్తులు స్వయంగా 11 కలశాలతో అభిషేకంలో పాల్గొనవచ్చు.

ఈ రోజు జ్యేష్ఠ అమావాస్య, సోమవారం, ఆరుద్ర నక్షత్రం, మాస శివరాత్రి కలిసి వచ్చాయి. ఈ అరుదైన కలయిక ప్రదోష కాలంలో జరగడం వల్ల ఇది మహత్తరమైన పుణ్యకాలంగా ఆధ్యాత్మికవేత్తలు చెబుతున్నారు.

ఈ అభిషేకంలో పాల్గొనడం వల్ల జన్మ దోషాలు, వ్యాధులు తొలగిపోతాయని, సప్త జన్మల పాపాలు నశిస్తాయని గురువుగారు వివరించారు. అభిషేకం అనంతరం భక్తులకు భస్మం, రుద్రాక్ష ప్రసాదంగా అందజేస్తారు. ఆసక్తి ఉన్న భక్తులు నేరుగా దేవాలయానికి వచ్చి పాల్గొనవచ్చు.