చౌటుప్పల్ శ్రీ పుణ్యలింగేశ్వర స్వామి క్షేత్రంలో ఆగస్టు 13 నుంచి శ్రావణ మాసోత్సవాలు

యాదాద్రి భువనగిరి జిల్లాలోని చౌటుప్పల్ సమీపంలో ఉన్న శ్రీ పుణ్యలింగేశ్వర స్వామి క్షేత్రంలో శ్రావణ మాసోత్సవాలు ఆగస్టు 13 నుంచి సెప్టెంబర్ 11 వరకు జరుగనున్నాయి.

ఈ సందర్భంగా ఆలయంలో లక్ష్మీదేవి మండపం ఏర్పాటు చేసి, కమలవాసినికి ప్రత్యేక పూజలు నిర్వహిస్తారు. శ్రావణ మాసంలో వచ్చే సోమ, శుక్రవారాల్లో క్షీరాబ్ది తనయ (మహాలక్ష్మి), శ్రీ మాణిక్యాంబా దేవికి విశేష కుంకుమార్చనలు, ప్రత్యేక అలంకరణలు ఉంటాయి.

భక్తులు ఈ ఉత్సవాల్లో పాల్గొనేందుకు ఆసక్తి కనబరుస్తున్నట్లు ఆలయ వర్గాలు తెలిపాయి. మరిన్ని వివరాలకు 8686 434 434, 8686 474 474 నంబర్లలో సంప్రదించవచ్చు.